«Хлеб з начыннем»: У мінскім «Еўраопце» заўважылі прусакоў

Жыхарка Мінска наведвала «Еўраопт», што месціцца на вуліцы Нікіфарава. Тое, што яна пабачыла ў адзеле выпечкі, моцна шакавала і яе, і іншых людзей — на прылаўках з хлебам бегалі прусакі. Жанчына падзялілася гэтым у сваім TikTok-акаўнце.

Чытайце таксама: У Гомелі ў аддзеле выпечкі сеткавай крамы пакупнікі пабачылі прусакоў

BGmedia ўжо пісала пра тое, што падобную праблему заўважылі ў іншай сеткавай краме «Суседзі»: тады прусака заўважылі ў самой булцы, у якой ён ужо запёкся. Як вынікае з розных відэа ў TikTok, антысанітарыя назіраецца ў розных беларускіх гарадах — у тым ліку і ў сталіцы.

@katy_diet @Сеть магазинов «Евроопт» ♬ оригинальный звук — MIRADIET

Раней у беларусаў узнікалі пытанні да таго, што ў адным з мінскіх «Еўраоптаў» у аддзеле выпечкі выкарыстоўвалі чорныя пакеты для смецця замест харчовай плёнкі. Гэта, у сваю чаргу, абурыла некаторых карыстальнікаў, якія палічылі такое прымяненне пакетаў недапушчальным з пункту гледжання санітарных нормаў. Цяпер да сталіцы дабраліся і прусакі.

Што пішуць у каментарах

Шматлікія карыстальнікі пажартавалі з сітуацыі. Для кагосьці прусакі — гэта начынне, для іншых — хатнія гадаванцы.

• «Гэта разынкі з булачкі ўцяклі».
• «Раней іх Стасікамі называлі».
• «Еўраопт клапоціцца аб насякомых».
• «Вазьміце дадому. Будзе жыць з вамі».
  

Іншыя беларусы ў чарговы раз звярнулі ўвагу на праблему антысанітарыі. На меркаванне людзей, прусакі спакойна насяляюць іншыя сеткавыя крамы ў той час, як санстанцыя нічога не прадпрымае.

• «Ды і не толькі ў «Еўраоптах», дзе гэтая санстанцыя???».
• «У Суседзях гэтак жа».
• «У Санце такія ж госці водзяцца».
• «У апошні час іх стала сапраўды шмат. Рабіла каву ў «Грошыку» — па шклянцы прусак прабег маленькі. Больш кавы там не бяру».

Пакуль ніводная з названых крамаў не дала публічных каментароў наконт скаргаў пакупнікоў.

Чытайце таксама: «З маёй пенсіяй зусім не да рыбы»: Беларусаў шакавалі кошты на фарэль у «Санце»

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро