«Колькі можна здзекавацца з нас?» У Полацку мама з дзіцем у вазку не змагла даехаць у цэнтр з-за маленькага аўтобуса

Жыхарка Полацка апублікавала ў TikTok відэазварот да аўтапарка пасля няўдалай спробы з’ехаць з дзіцем з мікрараёна Грамы. Паводле яе слоў, на маршрут №11 зноў выйшаў аўтобус малой змяшчальнасці. Надзеі не апраўдаў і аўтобус №22. У каментарах многія палачане падтрымалі жанчыну і заявілі, што сутыкаюцца з падобнымі праблемамі.

Чытайце таксама: У Полацку паставілі новыя ўязныя дарожныя знакі на рускай мове. Гэта спадабалася не ўсім

Пасажыры з дзецьмі не могуць быць упэўненыя, што змогуць скарыстацца грамадскім транспартам Полацка

На відэа жанчына эмацыйна звяртаецца да перавозчыка: «Полацкі аўтапарк, падкажыце, колькі можна здзекавацца з нас? Аўтобус №11 на пастаяннай аснове прыходзіць маленькі, не з’ехаць з Грамоў з вазком. Прыйшлі на №22 у надзеі з’ехаць на іншым аўтобусе, а ён такі ж прыехаў».

@katirinaostapenko@АТП2 сколько можно это терпеть ? никогда такого небыло . ты приходишь на остановку с двумя детьми и ты не знаешь уедешь лы ты … проблема эта постоянная или автобус не приедет вообще или же он не подходит для женщин с коляской..♬ оригинальный звук — ₑⲔₐ𝑡ₑᵣᵢ𝑛ₐ

Паводле слоў аўтаркі роліка, праблема існуе даўно. Яна сцвярджае, што пасажыры з дзецьмі не могуць быць упэўненыя, што змогуць скарыстацца грамадскім транспартам.

Пад відэа хутка з’явіліся дзесяткі каментароў. Многія жыхары горада заявілі, што добра разумеюць незадаволенасць жанчыны:

• «Мой самы галоўны страх, калі вырашаю паехаць на аўтобусе, — што прыйдзе ГЭТА».
• «Ну хоць нехта падняў гэтую тэму. Рэспект аўтару. Я сам жыву ў Ноўцы, а калі наступны аўтобус №2 — гэта яшчэ пытанне, таму што ён можа наогул не прыехаць».
• «Не толькі ў вас такое. У такіх сітуацыях збіраю вазок і заходжу ў аўтобус».

Сегодня один клик или лайк могут стоить слишком дорого. История вашего браузера не должна быть поводом для преследований. BGlobal VPN. полностью шифрует ваш трафик. Оставайтесь в безопасности.

Ссылка на подключение BGlobal VPN – здесь 

Некаторыя распавялі, што загадзя тэлефануюць перавозчыку, каб даведацца, які аўтобус выйдзе на маршрут: «Такая ж сітуацыя на маршруце №8. Калі трэба ў паліклініку з дзіцем, тэлефаную ў аддзел перавозак і наўпрост задаю пытанне, як з вазком ехаць да лекара. І прашу на пэўны дзень нармальны аўтобус».

Аднак такі падыход выклікаў недаўменне ў іншых карыстальнікаў: «Ну вось скажыце, гэта нармальна — тэлефанаваць і пытацца? Ніколі не тэлефанавала. Як прыйшлі новыя аўтобусы, стала праблема. Новыя аўтобусы рэдка пускаюць».

Чытайце таксама: Блогерка паскардзілася на Полацкую цэнтральную гарадскую паліклініку, праз якую прапусціла кансультацыю ў Віцебску

Чаму ў Полацку ездзяць такія маленькія аўтобусы

Жыхары Полацка таксама спрачаюцца пра прычыны з’яўлення невялікіх аўтобусаў на маршрутах:

• «Гэта ненармальна, паколькі калі трэба, яны пускаюць аўтобусы малой змяшчальнасці. Пры гэтым такія аўтобусы выпускаюць нібыта з-за таго, што мала людзей».
• «Яны новыя пускаюць часам на раён. Была нядаўна такая сітуацыя: прыехаў маленькі белы аўтобус, а мне з сынам трэба было да лекара. Кіроўца неяк запіхнуў вазок у салон. Назад ехалі на тым жа аўтобусе — народу шмат, усе злыя, а ззаду вазок».

Некаторыя адкрыта крытыкуюць аўтапарк Полацка:

• «Навошта наогул гэтыя трунавозкі? Можна ж нармальныя аўтобусы купіць».
• «Затое начальства граматы на Дзень горада атрымлівае, а людзі на працу і з працы не ведаюць, як даехаць».

Аўтобусны парк Полацка і дзяржСМІ пакуль не каментавалі відэазварот мясцовай жыхаркі.

Раней гараджане масава абураліся працай аўтобуса №22

Гэта ўжо не першая транспартная праблема, на якую скардзяцца жыхары Полацка. Раней гараджане масава абураліся працай аўтобуса №22, які, паводле слоў пасажыраў, рэгулярна не прыязджаў па раскладзе. Тады прадстаўнікі аўтапарка фактычна прызналі наяўнасць складанасцяў з выкананнем рэйсаў і тлумачылі іх нядахопам кіроўцаў.

Цяпер жа да прэтэнзій пра зрыў раскладу дадаліся скаргі на аўтобусы малой змяшчальнасці. Мяркуючы па каментарах, асабліва востра гэтая праблема адчуваецца ў бацькоў з маленькімі дзецьмі, якім даводзіцца гадаць, ці атрымаецца наогул патрапіць у салон грамадскага транспарту з вазком.

Чытайце таксама: Погладить зверька за 18 рублей? Видео из контактного зоопарка в Полоцке вызвало волну возмущения

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро